मध्यतराईमा अक्सिजन अभाव

वर्ग: देश
मिति: Tuesday,22nd May 2012 23:48 PM
  • vote 1
  • vote 2
  • vote 3
  • vote 4
  • vote 5
पछी पढ्नलाई लग इन गर्नुहोस्
प्रस्तुति:

कारोबर सम्बाददाता

info@karobardaily.com



जनकपुरधाम, ९ जेठ-   बृहत् मधेसी मोर्चा र आदिवासी जनजातिले संयुक्त रूपमा आह्वान गरेको बन्दका कारण धनुषा, महोत्तरी, सिरहा, सर्लाहीलगायत मध्यतराईका जिल्लाहरूमा अक्सिजनको अभाव भएको छ ।
बन्दकर्ताहरूले स्वास्थ्य संस्था तथा अस्पताल खोल्न रोक नलगाए पनि सार्वजनिक यातायातमा रोक लगाएकाले अक्सिजन आपूर्ति हुने नसकेको हो । मध्यतराईको महोत्तरी, सिरहा, सर्लाही र धनुषाको जनकपुरमा जनकपुरस्थित भाजुरत्न इन्जिनियरिङ एन्ड वर्कसपले अक्सिजन आपूर्ति गर्दै आएको छ । वर्कसपका अनुसार एक सातायता ग्यास आपूर्ति हुन सकेको छैन । वर्कसप सञ्चालक रामबल्लभ ठाकुरले वीरगन्जबाट धनुषासहित चार जिल्लामा अक्सिजन आपूर्ति गर्दै आएको बताए । “अस्पताल तथा निजी नर्सिङ होमहरूले अक्सिजन माग गरे पनि आपूर्ति गर्न सकिएको छैन,” उनले भने ।
अक्सिजन अभावमा बिरामी अन्यत्र रेफर गर्नुपरेको जनकपुरका अस्पताल तथा निजी नर्सिङ होमले बताएका छन् । केयर मेडिकल सेन्टरका मुख्य व्यवस्थापक राहुल सिंघानियाले जोखिम लिएर बिरामी राख्नुभन्दा रेफर गर्नु नै उपयुक्त हुने बताए ।
जनकपुर अञ्चल अस्पतालमा मात्रै सातामा पाँचवटा साना सिलिन्डर र तीनवटा ठूला सिलिन्डर  खपत हुँदै आएको अस्पतालले जनाएको छ ।
 

  • सम्बन्धित समाचार
Comments