कारोबार संवाददाता
शुक्रवार, असार ८, २०७५
420

खरा फाइनान्सको नवनिर्वाचित अध्यक्ष भुवनसिं गुरुङले बिहीबार नेपाल राष्ट्र बैंक पोखरा शाखाका कामु निर्देशक अमर अधिकारीसमक्ष पद तथा गोपनियताको शपथ ग्रहण गरेका छन् । वित्तीय संस्थाको हालै सम्पन्न २१ औं वार्षिक साधारणसभाले संस्थापक समूहबाट सञ्चालक समितिमा भुवनसिं गुरुङ, डा. दीर्घमान गुरुङ, शोभा गुरुङ र रेशमलाल पौडेललाई निर्विरोध निर्वाचित गरेको प्रमुख कार्यकारी अधिकृत राजकुमार गुरुङले बताए ।
संस्थाको हाल तनहुँ, लमजुङ, रुपन्देही, काठमाडौं, स्याङ्जा एवं कास्की समेतमा गरी १३ वटा शाखा कार्यालय सञ्चालनमा आइसकेको र निकट भविष्यमा नै चितवनको नारायणगढ शाखा समेत सञ्चालनमा आउने तथा आव ०७५/७६ मा थप अन्य शाखाहरू समेत खोलिने बताइएको छ । संस्थाले सी–आस्बा तथा मोबाइल बैंकिङ सेवाको सुरुवात गरिसकेको छ । यो अवधिमा फाइनान्सको निक्षेप ४ अर्ब १५ करोड रुपैयाँ एवं कर्जा लगानीतर्फ ३ अर्ब ९६ करोड रुपैयाँ कायम गर्न सफल भएको प्रमुख कार्यकारी अधिकृत राजकुमार गुरुङले जानकारी दिए ।