कारोबार संवाददाता
शुक्रवार, फाल्गुन १०, २०७५

वैकल्पिक सौर्य ऊर्जाबाट निःशुल्क रूपमा भूमिगत सिँचाइको सुविधा पाएपछि कञ्चनपुरका किसान हर्षित भएका छन् । कञ्चनपुरमा सौर्य प्रविधिबाट भूमिगत सिँचाइ हुन थालेपछि किसान हर्षित भएका हुन । यहाँ सौर्य प्रविधिबाट १० वटा भूमिगत सिँचाइ सञ्चालन भएका छन् । जसमध्ये बेलौरी नगरपालिका–४ मा ५, वडा नम्बर ५ मा ३ र जिल्लाका अन्य भागमा २ गरी १० वटा भूमिगत सिँचाइ (पम्पसेट) सञ्चालनमा रहेको बेलौरी नगारपालिकाले जनाएको छ ।

213
कारोबार संवाददाता
शुक्रवार, फाल्गुन १०, २०७५

गोरखामा ढुंगा, गिटी र बालुवा उत्खननका लागि समयसीमा तोकिएको छ । मेसिनबाट उत्खनन गर्दा निर्धारितभन्दा धेरै नदीजन्य सामग्री उत्खनन हुनसक्ने भन्दै बुधबार सम्पन्न बैठकले समयसीमा तोकेको प्रमुख जिल्ला अधिकारी गजेन्द्र श्रेष्ठले जानकारी दिए । समसामयिक विषयमा छलफल गर्न जिल्ला समन्वय समितिले बैठक आव्हान गरेको थियो ।

195
भीम गौतम
शुक्रवार, फाल्गुन १०, २०७५

पञ्चेश्वर बहुउद्देश्यीय आयोजनाको विस्तृत आयोजना प्रतिवेदन निर्माणका लागि गठित विज्ञ समूहको बैठक डेढ वर्षपछि अर्को साता काठमाडौंमा बस्दैछ । फागुन १५ र १६ गते बस्ने बैठकमा नेपालको तर्फबाट जल तथा ऊर्जा आयोगका सचिव देवेन्द्र कार्की र भारतको तर्फबाट सेन्टर वाटर कमिसनका अध्यक्ष मसुद हुसिनले नेतृत्व गर्नेछन् ।

298
हिमेश विक
बिहिवार, फाल्गुन ९, २०७५

प्रधानमन्त्री केपी शर्मा ओलीले पञ्चेश्वर परियोजनामा भारतको कारण ढिलासुस्ती भइरहेको बताएका छन् । सुदूरपश्चिम प्रदेशसभालाई बुधबार सम्बोधन गर्दैै उनले महाकालीबाट दोधारा चाँदनीका लागि आवश्यक १० क्युसेक पानी लिने कुरा अघि बढिरहेको, तर पञ्चेश्वर परियोजनाका विषयमा छिमेकीबाट औपचारिक रूपमा ‘हुन्छ हुन्छ’ भन्ने तर अनौपचारिक रूपमा नाफाघाटाको कुरा आइरहेकाले ढिलासुस्ती भइरहेको बताए ।

241
कारोबार संवाददाता
बिहिवार, फाल्गुन ९, २०७५

भौतिक पूर्वाधार तथा यातायातमन्त्री रघुवीर महासेठले कञ्चनपुरको महाकाली नदीमा निर्माणाधीन चार लेनको पक्की पुलको स्थलगत निरीक्षण गरेका छन् । बुधबार बिहान कञ्चनपुर पुगेका मन्त्री महासेठले निरीक्षणपछि निर्माण कम्पनीलाई काममा गति दिन निर्देशन दिएका छन् । भीमदत्तनगरपालिका–११, १२ र १३ को स्थानीयले पहुँच मार्ग निर्माणका क्रममा ऐलानी जग्गा भोगचलन गर्दै आएका स्थानीयवासीलाई मुआब्जा तथा क्षतिपूर्ति दिन मन्त्रीसमक्ष माग गरेका छन् ।

234
कारोबार संवाददाता
बिहिवार, फाल्गुन ९, २०७५

प्रदेश–१ को मन्त्रिपरिषद्ले ल्याएको प्रदेश विद्युत्सम्बन्धमा व्यवस्था गर्न बनेको विधेयक २०७५ मा २ सय मेगावाटसम्मको विद्युत्को अनुमतिपत्र (लाइसेन्स) दिने उल्लेख छ । हालै प्रदेशसभाको बैठकमा भौतिक पूर्वाधार विकास मन्त्रालयको लागि आन्तरिक मामिला तथा कानुनमन्त्री हिक्मतकुमार कार्कीले प्रस्तुत गरेको विधेयक छलफलको चरणमा छ । यो पारित भएमा २ सय मेगावाटसम्मको लाइसेन्स प्रदेश सरकारले दिन पाउँछ ।

210
कारोबार संवाददाता
बुधवार, फाल्गुन ८, २०७५

संसदीय विकास समितिले जतिसक्दो छिटो मेलम्चीको पानी काठमाडौं ल्याउन निर्देशन दिएको छ । राजधानीमा आयोजित एक कार्यक्रममा बोल्दै समितिकी सभापति कल्याणी खड्काले मेलम्चीको पानी जतिसक्दो चाँडो काठमाडौं ल्याउन सरकारलाई निर्देशन दिएकी हुन् । मेलम्चीको पानी ल्याउन पटकपटक समय तोकर सर्वसाधारणलाई झुक्याएको भन्दै उनले अब जसरी पनि चाँडोभन्दा चाँडो सर्वसाधारणलाई मेलम्चीको पानी वितरण गर्न आग्रह गरेकी छिन् ।

247
कृष्ण न्यौपाने
बुधवार, फाल्गुन ८, २०७५

तनहुँको म्याग्दे गाउँपालिका–७ मा उपभोक्ताको शतप्रतिशत लगानीमा पक्की नाला निर्माण सुरु भएको छ । मिन माध्यमिक विद्यालय पछाडितर्फको द्वारेखोला पुलचोकदेखि तिलाटार हुँदै रानीश्वाँरासम्मको एक किमि पक्की नाला उपभोक्ताकै शतप्रतिशत लगानीमा सुरु भएको हो ।

168
हरिश चन्द
बुधवार, फाल्गुन ८, २०७५

प्रधानमन्त्री केपी शर्मा ओलीले बहुचर्चित पश्चिम सेती जलविद्युत् आयोजना आफ्नै कार्यकालमा निर्माण सुरु हुने दाबी गरेका छन् । डडेल्धुरा सदरमुकामदेखि तीन किलोमिटर दूरीमा रहेको स्याउले बजारनजिकै दूधकाँडेमा निर्मित स्याउले १३२ केभी सबस्टेसन आयोजनाको मंगलबार उद्घाटन गर्दै प्रधानमन्त्री ओलीले आफू प्रधानमन्त्री रहेकै बेला पश्चिम सेती आयोजनाको निर्माणकार्य आरम्भ हुने जिकिर गरे ।

243
कारोबार संवाददाता
बुधवार, फाल्गुन ८, २०७५

सहभागितामूलक योजना छनोट प्रक्रियामा नागरिक समाजको ९ प्रतिशतमात्र सहभागिता हुने गरेको तथ्य सार्वजनिक भएको छ । सामाजिक जवाफदेहिता परियोजनाअन्तर्गत हालै गरिएको एक अध्ययनबाट सो कुराको खुलासा भएको हो । बाँकेको कोहलपुरमा आयोजना गरिएको एक कार्यक्रममा सार्वजनिक गरिएको स्थिति विश्लेषणसम्बन्धी आधाररेखा अध्यावधिक अध्ययन २०१९ ले सो तथ्य देखाएको हो ।

166
भीम गौतम
बुधवार, फाल्गुन ८, २०७५

तनहुँ हाइड्रो पावर कम्पनीले विवादित ठेकेदार कम्पनी इटालीको सीएमसी दि राभेना सोसाइट कोअपरेटिभसँगेो ठेक्का सम्झौता तोडेको छ । पटकपटक ताकेता गर्दा पनि आयोजना निर्माणका लागि नआएपछि मंगलबारनै पत्र पठाएर कम्पनीले ठेक्का तोडेको हो । सीएमसीले १ सय ४० मेगावाटको तनहुँ जलाशय जलविद्युत् आयोजना बाँध निर्माणको ठेक्का पाएको थियो ।

186
रासस
मंगलबार, फाल्गुन ७, २०७५

मेलम्ची आयोजनाको निर्माणमा देखिएका समस्या समाधान गरी वर्षात्अघि नै राजधानीमा पानी ल्याइनुपर्नेमा जोड दिइएको छ ।

317
कारोबार संवाददाता
मंगलबार, फाल्गुन ७, २०७५

ऊर्जा दक्षता कार्यक्रम कार्यान्वयनबाट सन् २०३० भित्रमा ६५ लाख नेपालीलाई विद्युत्को थप पहुँच पुग्ने तथ्यांक सार्वजनिक गरिएको छ । हालै सरकारद्वारा ल्याइएको राष्ट्रिय ऊर्जा दक्षता रणनीति २०७५ को सार्वजनिक गर्न आयोजित कार्यक्रममा नेपाल ऊर्जा क्षमता कार्यक्रम (नीप) परामर्शदाता विशाल थापाले ऊर्जा दक्षतामार्फत ६५ लाख घरधुरीमा थप विद्युत्को पहुँच पुग्ने बताए ।

409
कारोबार संवाददाता
मंगलबार, फाल्गुन ७, २०७५

सहरी विकासमन्त्री मोहम्मद इस्तियाक राईले बागमती नदी सफाइका लागि निश्चित समय तोकेर कार्ययोजना ल्याउन निर्देशन दिएका छन् । बागमती नदी मुलुककै लागि सभ्यताको पहिचान भएको भन्दै बढीमा अबको दुई वर्षभित्र बागमती सफाइको काम सक्ने गरी कार्ययोजना ल्याउन अधिकार सम्पन्न बागमती सभ्यता एकीकृत विकास समितिलाई मन्त्री राईले निर्देशन दिएका हुन् ।

208
केशव समर्पण
मंगलबार, फाल्गुन ७, २०७५

प्रदेश नम्बर ३ सरकारले प्रदेश राजधानी हेटौंडाको मुख्य सडकलाई १६ मिटर चौडा गर्न केन्द्र सरकारलाई प्रस्ताव गरेको छ । राष्ट्रिय राजमार्गमा २५ मिटर विस्तार गर्ने चर्चा चलिरहेको बेला प्रदेश सरकारले भने १६ मिटर विस्तार गर्ने योजना बनाएको हो ।

331