केशव समर्पण
बिहिवार, बैशाख १२, २०७६

गैरआवासीय नेपाली संघ (एनआरएनए) ले नेपाली कृषि उत्पादनलाई राष्ट्रिय तथा अन्तर्राष्ट्रिय बजारमा पु¥याउन ‘मुना’ आधुनिक कृषि बजार परियोजनाको दीर्घकालीन अवधारणा ल्याएको छ । परियोजना सञ्चालनका लागि दुई अर्बभन्दा बढी लगानीको अनुमान गरिएको छ । नेपालमा अर्बौंको कृषि उत्पादन विदेशबाट ल्याउनुपर्ने बाध्यताको अन्त्य गर्दै नेपाली गुणस्तरीय उत्पादनलाई विश्व बजारमा पु¥याउने लक्ष्यका साथ परियोजना सञ्चालन गर्न लागिएको हो ।

198
लक्ष्मी सापकोटा
बिहिवार, बैशाख १२, २०७६

भारतबाट इन्धन आपूर्ति सहजताका लागि ४१ अर्ब लागतका विभिन्न ६ वटा पेट्रोलियम पाइपलाइन परियोजना प्रस्ताव गरिएको छ । इन्जिनियरिङ अध्ययन संस्थानको परामर्शदाता सेवा कम्पनीले नेपाल आयल निगमलाई बुझाएको प्रतिवेदनमा यस्तो प्रस्ताव गरिएको हो । प्रतिवेदनमा पाइपलाइन र भण्डारण क्षेत्र अभिवृद्धिका परियोजनाहरू प्रस्ताव गरिएको छ ।

368
भीम गौतम
बिहिवार, बैशाख १२, २०७६

नेपालको संविधान २०७२ को धारा ६० को दफा ३ मा प्रदेश र स्थानीय तहले प्राप्त गर्ने वित्तीय हस्तान्तरणको परिमाण राष्ट्रिय प्राकृतिक स्रोत तथा वित्त आयोगको सिफारिस बमोजिम हुनेछ भन्ने उल्लेख छ । तर, यस्तो प्रावधानविपरीत प्रदेश र स्थानीय तहको परिमाण अर्थ मन्त्रालयले तय गरेको पाइएको छ ।

212
कारोबार संवाददाता
बिहिवार, बैशाख १२, २०७६

वन तथा वातावरणमन्त्री शक्तिबहादुर बस्नेतले जडिबुटी खेती विस्तारको कार्यक्रम प्रभावकारी बनाउन कृषकलाई सहुलियत कर्जाको आवश्यक पर्ने बताएका छन् । बुधवार राजधानीमा आयोजित एक कार्यक्रममा मन्त्री बस्नेतले जडिबुटी खेती विस्तारका लागि निजी क्षेत्रलाई सहुलियत कर्जाको व्यवस्था गर्न आवश्यक रहेको बताएका हुन् ।

208
रासस
बुधवार, बैशाख ११, २०७६

आन्तरिक राजश्व कार्यालय भरतपुरमा सङ्कलन हुने राजश्वको अधिकांश हिस्सा मदिराले धान्ने गरेको छ । चितवन र नवलपुर जिल्ला हेर्ने यस कार्यालयमा सङ्कलन हुने राजश्वको ८७ प्रतिशत हाराहारी वियर र मदिराको हुने गरेको छ ।

282
कारोबार संवाददाता
बुधवार, बैशाख ११, २०७६

उद्योग वाणिज्य तथा आपूर्तिमन्त्री मातृकाप्रसाद यादवले देशमा लगानीको वातावरण बन्दै गएका बताएका छन् । नेपाल उद्योग परिसंघको नव–गठित कार्यसमितिका पदाधिकारीहरूलाई आफ्नै कार्यालयमा स्वागत गर्दै उनले देशमा लगानीको वातावरण बन्दै गएको तथा वैदेशिक लगानीका धेरै प्रतिवद्धताहरू आइरहेको बताएका हुन् । त्यसैले परिसंघले आफ्ना आगामी कार्यक्रमहरूमार्फत यसको सन्देश देश तथा विदेशमा समेत प्रभावकारी ढंगमा पु-याउन सहयोग गर्नु पर्नेमा मन्त्री यादवको जोड थियो ।

177
कारोबार संवाददाता
बुधवार, बैशाख ११, २०७६

अछामको साँफेबगर नगरपालिकाले चालू आर्थिक वर्ष २०७५÷७६ को चैत मसान्तसम्म ६४ लाख ६३ हजार राजस्व संकलन गरेको छ । नगरले राजस्व उठाउन पाउने विभिन्न शीर्षकमा गरी ९ महिनाको अवधिमा उक्त राजस्व संकलन गरेको हो ।नगरले एकीकृत सम्पत्ति करवापत ६ लाख ५८ हजार ८ सय २५, भूमिकर तथा मालपोतबाट १ लाख ११ हजार ८ सय २४, घर वहाल कर १ लाख ६० हजार ४ सय २३ उठाएको छ ।

172
मेगराज खड्का
बुधवार, बैशाख ११, २०७६

महालेखा परीक्षकको ५६ औैं प्रतिवेदन अनुसार रुकुम पूर्व र पश्चिमका ९ स्थानीय तहमा आर्थिक वर्ष २०७४÷७५ मा ७५ करोड रूपैयाँभन्दा बढी बेरुजु देखिएको छ । महालेखा परीक्षकको कार्यालयले बजेट अनियमित तवरले खर्च गरेको बेरुजु देखाएको हो । रकमान्तर नगरी विनियोजितभन्दा फरक शीर्षकमा बजेट खर्च गरेको, जनप्रतिनिधिले बैठक, भ्रमण भत्ताको नाममा दोहोरो सुविधा लिएको, सार्वजनिक खरीद ऐनको प्रतिकूल हुने गरी निर्माणमा उपकरण प्रयोग गरेको, प्रतिस्पर्धा विना सामग्री खरीद र योजनाको काम गरेको जस्ता कमजोरी प्रतिवेदनले देखाएको हो । रुकुम पश्चिमको आठबिसकोट नगरपालिकामा सबैभन्दा बढी बेरुजु देखिएको छ ।

191
कारोबार संवाददाता
बुधवार, बैशाख ११, २०७६

केन्द्रीय तथ्यांक विभागले मुलुकमा पहिलोपटक ‘घरजग्गा खरीद बिक्री व्यवसाय गणना’ गर्ने भएको छ । यसबाट राष्ट्रिय अर्थतन्त्रमा पारेको प्रभावको विश्लेषण गर्न मुलुकभर सर्भेक्षण तथा गणनाको तयारी भइरहेको विभागले जनाएको छ । प्रचलित कानुनअनुसार घरजग्गा खरीद बिक्री व्यवसायमा संलग्न कम्पनीलाई गणनामा समावेश गरिने छ ।

254
कारोबार संवाददाता
बुधवार, बैशाख ११, २०७६

विज्ञहरूले आगामी आर्थिक वर्ष (२०७६-७७) का लागि कार्यान्वयनयोग्य बजेटमात्र ल्याउन सुझाव दिएका छन् । नेपाल व्यवस्थापन संघले मंगलबार काठमाडौंमा आयोजना गरेको पूर्वबजेट छलफलमा विज्ञहरूले बजेट कार्यान्वयनको पक्ष चालू वर्षमा पनि परम्परागत देखिएको उल्लेख गर्दै खर्च गर्न सकिने योजनाहरूमा बजेट विनियोजन गर्न र कार्यान्वयन पक्षमा विशेष ध्यान दिन आग्रह गरे । निजी क्षेत्रका प्रतिनिधिहरूले भने लगानीमैत्री वातावरणको सन्देश दिने बजेट ल्याउन आग्रह गरे । पछिल्लो समयमा राजस्वसम्बन्धी प्रतिवेदन सरकारले सार्वजनिक गर्न छोडेको बताउँदै यसतर्फ ध्यान दिन आग्रह गरे ।

261
कारोबार संवाददाता
मंगलबार, बैशाख १०, २०७६

दाङको बंगलाचुली गाउँपालिका–६ रिभानमा प्रदेश सरकारले ल्याएको स्मार्ट कृषि गाउँ कार्यक्रम सुरु भएको छ । स्मार्ट कृषि गाउँको उद्घाटन मुख्यमन्त्री शंकर पोख्रेलले कागतीको बिरुवा रोपेर सुभारम्भ गरे । मुख्यमन्त्री पोख्रेलले कृषिको व्यावसायिकीरण र उद्यमबाट आर्थिक समृद्धि सम्भव रहेको बताए ।

338
लक्ष्मी सापकोटा
मंगलबार, बैशाख १०, २०७६

वैदेशिक व्यापारमा नेपालको खस्किँदो अवस्थाले एकपछि अर्को रेकर्ड राखिरहेको छ । चालू आर्थिक वर्षको ८ महिनामा मुलुकमा ९ खर्ब ४९ अर्ब रुपैयाँ बराबरको वस्तु आयात हुँदा निर्यात भने ६१ अर्ब २२ करोड रुपैयाँमा सीमित छ । व्यापार तथा निकासी प्रवद्र्धन केन्द्रका अनुसार आठ महिनामा आयात २२.९ प्रतिशतले बढेको छ भने निर्यातको वृद्धि १५.३ प्रतिशतमात्रै छ । निर्यात परिमाणात्मकभन्दा पनि डलरको मूल्यमा आएको वृद्धिका कारण बढेको हो ।

582
मनिषा चम्लागाईँ
सोमवार, बैशाख ९, २०७६

झापाको मेची भन्सार कार्यालय काँकडभिट्टाले ९ महिनाको अवधिमा ६० दशमलव ५१ प्रतिशत मात्र राजस्व संकलन गरेको छ । सरकारले मेची भन्सारलाई आर्थिक वर्ष २०७५-७६ मा १२ अर्ब ८२ करोड ६१ लाख रूपैयाँ राजस्व संकलनको लक्ष्य दिइएको छ । चालु आर्थिक वर्ष सकिन तीन महिना मात्र बाँकी हुँदाँ चैतसम्मको असुली ७ अर्ब ७६ करोड ११ लाख रूपैयाँ रहेको छ । यसलाई हेर्दा मेची भन्सारले चालू आर्थिक बर्षमा राजस्व संकलनको लक्ष्य पुरा नगर्ने देखिएको हो ।

354
अमरराज आचार्य
सोमवार, बैशाख ९, २०७६

घोराही उपमहानगरपालिकाले पुँजीगत बजेटको २२ प्रतिशत मात्र खर्च गरेको छ । चालू आर्थिक वर्षको ९ महिनाको अवधिमा उपमहानगरपालिकाले २२.१८ प्रतिशत बजेट खर्च गरेको जनाएको छ । घोराही उपमहानगरपालिकाले पुँजीगततर्फ १२ करोड ७९ लाख ६५ हजार ७ सय ३५ रूपैयाँ खर्च गरेको उपमहानगरपालिकाका सूचना अधिकृत भीमबहादुर चौधरीले जानकारी दिए ।

187
लक्ष्मी सापकोटा
सोमवार, बैशाख ९, २०७६

दुर्गम जिल्लामा सहुलियदरमा वितरण गरिने नुनमा अनियमिता भएको पाइएको छ । नुन ढुवानी गर्दा समग्र जिल्लाको जनसंख्या उल्लेख गरेको भए पनि वितरण गर्ने डिपोले समेट्ने क्षेत्र र सोको जनसंख्या उल्लेख नगरी कोटाभन्दा बढी नुन वितरण गरेर अनियमिता गरेको महालेखा परीक्षकको कार्यालयले हालै सार्वजनिक गरेको प्रतिवेदनमा उल्लेख छ । साल्टट्रेडिङ कर्पाेरेसनले दुर्गम तथा पहाडि जिल्लामा कोटाभन्दा बढी परिणाममा नुन वितरण गरी सो रकम दाखिल नगरेको पाइएको हो ।

262