कारोबार संवाददाता
आइतवार, माघ ७, २०७४

राष्ट्रपति विद्यादेवी भण्डारीले राजनीतिक परिवर्तन स्थापित भइसकेकाले अब आर्थिक समृद्धिका लागि केन्द्रित हुनुपर्ने बताएकी छन् । पञ्चायतकालमा आफैंले पढाएको मोरङ बेलबारीस्थित जनता आभारभूत विद्यालयको स्वर्ण महोत्सवको उद्घाटन समारोहलाई सम्बोधन गर्दै राष्ट्रपति भण्डारीले मुलुकको आर्थिक समृद्धिमा एकजुट हुन सबैलाई आग्रह गरिन् ।

425
कारोबार संवाददाता
आइतवार, माघ ७, २०७४

सातवटै प्रदेशमा नियुक्त भएका प्रदेश प्रमुखले शनिबार बिदाको दिन भए पनि साँझ अबेरसम्म प्रादेशिक अस्थायी राजधानीस्थित सरकारी कार्यालयमा पदभार ग्रहण गरेका छन् । आज प्रदेशका सांसदहरूको सपथग्रहण हुने भएपछि गत सप्ताहन्तमा नियुक्त भएका प्रदेश प्रमुखहरूले शनिबारै पदभार ग्रहण गरेका हुन् । हेटौंडा संवाददाता रुपेश दुलालका अनुसार प्रदेश नम्बर ३ की प्रदेश प्रमुख अनुराधा कोइरालाले शनिबार अपराह्न पदभार ग्रहण गरेकी छन् । प्रदेश राजधानी हेटौंडास्थित प्रादेशिक सरकारी कार्यालयमा प्रमुख कोइरालाले पदभार ग्रहण गरेकी हुन् । उनले संविधान कार्यान्वयनका क्रममा आफू प्रदेश प्रमुखको रुपमा आएको बताइन् ।

562
कारोबार संवाददाता
शुक्रवार, माघ ५, २०७४

निर्वाचनमा पराजय बेहोरेपछि पहिलो पटक बसेको नेपाली कांग्रेसको केन्द्रीय कार्यसमिति बैठकमा निर्वाचनको कुनै समीक्षा नै भएन । बिहीबार प्रधानमन्त्री शेरबहादुर देउवाको सरकारी निवास बालुवाटारमा भएको बैठकमा नेतृत्वको कार्यशैलीप्रति नेताहरूले असन्तुष्टि जनाए पनि उक्त एजेण्डामा बैठक प्रवेश गरेन । कांग्रेस सभापति देउवाले महासमिति बैठक बोलाउने प्रतिवद्धता जनाएपछि असन्तुष्ठहरूको आक्रोश मत्थर भएको थियो । नेतृत्वको आलोचना गर्नेमा वरिष्ठ नेता रामचन्द्र पौडेलपक्षीय नेताहरू थिए । महामन्त्री सशांक कोइरालानिकट केन्द्रीय सदस्य दिपक गिरीले नेतृत्व मनोमानी ढंगबाट चलेको आरोप लगाउँदै केन्द्रीय कार्यसमिति बैठक बहिष्कार गरेकोे बताए । तर, प्रतिनिधिसभा निर्वाचनमा पराजित उनले प्रदेश नम्बर ५ को अस्थायी राजधानी दाङ नतोकिएपछि पार्टी सभापति एव् प्रधानमन्त्री शेरबहादुर देउवाप्रति असन्तुष्ट भएकाले बहिस्कार गरेका हुन् ।

536
कारोबार संवाददाता
शुक्रवार, माघ ५, २०७४

सरकारले संवैधानिक व्यवस्थाअनुसार बुधबार प्रदेशका अस्थायी राजधानी तोकेसँगै देशका केही जिल्लामा आन्दोलन भएको छ । यसअघि क्षेत्रीय प्रशासन कार्यालय रहेका धनकुटा र डोटीसहितका जिल्लाबासी आन्दोलित भएका हुन् । यसैगरी पर्सा, दाङलगायतका जिल्लामा आन्दोलनहुँदा स्थानीय जनजीवन प्रभावित बनेका त्यहाँस्थित कारोबार संवाददाताहरूले जनाएका छन् ।

498
रासस
बिहिवार, माघ ४, २०७४

निर्वाचन आयोगले मंसिर १० र २१ गते दुई चरणमा भएको प्रदेशसभा सदस्य निर्वाचनको समानुपातिक निर्वाचन प्रणालीअन्तर्गत निर्वाचित भएका उम्मेदवारको नाम घोषणा गरेको छ । निर्वाचनको मत परिणामअनुसार राजनीतिक दलले बन्दसूचीमा पेश गरी समावेशी सिद्धान्तअनुसार निर्वाचित भएको घोषणा गर्न सिफारिश गरेका उम्मेदवारमध्ये बाटै नाम घोषणा गरिएको आयोगका प्रवक्ता नवराज ढकालले जानकारी दिए ।

626
तीर्थराज बस्नेत
बिहिवार, माघ ४, २०७४

सरकारले प्रदेश प्रमुख र प्रदेशका अस्थायी राजधानी तोकेको छ । बुधबार प्रधानमन्त्री निवास बालुवाटरमा बसेको मन्त्रिपरिषद् बैठकले प्रदेश राजधानी र प्रमुख तोकेको हो । बैठकले प्रदेश नम्बर १ को राजधानी विराटनगर, २ को जनकपुर, ३ को हेटौंडा, ४ को पोखरा, ५ को रुपन्देही (बुटवल), ६ को सुर्खेत र ७ को धनगढी तोक्ने निर्णय गरेको कानुनमन्त्री यज्ञबहादुर थापाले जानकारी दिए ।

777
कारोबार संवाददाता
बुधवार, माघ ३, २०७४

नेकपा एमालेले राष्ट्रियसभा निर्वाचनका लागि उम्मेदवारको टुंगो लगाउने तयारी गरेको छ । माघ २४ गते हुने निर्वाचनका लागि एमालेले उम्मेदवार चयन गर्न कसरत थालेको हो । प्रतिनिधि र प्रदेश सभा सदस्य निर्वाचनमा गठबन्धन बनाएर चुनाव लडेका नेकपा एमाले र नेकपा माओवादी केन्द्रले राष्ट्रिय सभा निर्वाचनका लागि उम्मेदवारी बाँडफाँट सम्भवतः बुधबार (आज) टुंगो लगाउन सक्ने बताइएको छ ।

517
जगन्नाथ दुलाल
बुधवार, माघ ३, २०७४

नेपाली कांग्रेसको केन्द्रीय कार्यसमिति बैठक बिहीबार बस्ने भएको छ । गत मंसिर १० र २१ गते दुई चरणमा सम्पन्न प्रदेश र प्रतिनिधिसभा निर्वाचनमा दोस्रो दलमा खुम्चिएको कांग्रेसले परिणाम आएको करिब डेढ महिनापछि समीक्षा बैठक बोलाएको हो ।

370
कारोबार संवाददाता
मंगलबार, माघ २, २०७४

निर्वाचन आयोगका प्रमुख आयुक्त अयोधीप्रसाद यादवले तत्काल प्रदेश प्रमुख तोक्न सरकारलाई आग्रह गरेका छन् । विराटनगरमा सोमबार आयोजित क्षेत्रीय निर्वाचन कार्यालयको भवन उद्घाटन कार्यक्रममा यादवले तत्कालै प्रदेश प्रमुख तोक्न आग्रह गरेका हुन् ।

307
कारोबार संवाददाता
मंगलबार, माघ २, २०७४

सत्तारुढ दल नेपाली कांग्रेसका सभापति शेरबहादुर देउवाले राष्ट्रिय सभा निर्वाचनका विषयमा आन्तरिक छलफल गरेका छन् । प्रधानमन्त्रीसमेत रहेका देउवाले सोमबार बालुवाटारमा बोलाएर पार्टीका शिर्ष नेताहरूसँग आसन्न राष्ट्रिय सभा निर्वाचनबारे छलफल गरेका हुन् ।

390
कारोबार संवाददाता
सोमवार, माघ १, २०७४

नेपाली कांग्रेसका प्रवक्ता विश्वप्रकाश शर्माले विशेष महाधिवेशनको व्यवस्था विधानमै भएकाले आवश्यक पर्दा त्यहाँसम्म जान सकिने बताएका छन् । राजधानीमा आइतबार आयोजित साक्षात्कार कार्यक्रममा उनले पार्टीको विधानमा हुनसक्छ भनेको कुरालाई हुँदैन भनेर भन्न नमिल्ने भन्दै महाधिवेशन प्रतिनिधिले माग गरेमा विशेष महाधिवेशन पनि हुनसक्ने बताए ।

526
जगन्नाथ दुलाल
सोमवार, माघ १, २०७४

सर्वोच्च अदालतले पूर्वसांसदहरूको सिफारिसमा निर्वाचन क्षेत्र पूर्वाधार कार्यक्रम र निर्वाचन क्षेत्र विकास कोषमा रहेको करिब १० अर्ब रुपैयाँ खर्च नगर्न आदेश गरेको छ । एमाले नेता झपटबहादुर रावलले दायर गरेको रिटमा आइतबार सुनवाई गर्दै न्यायाधीशद्वय ईश्वरप्रसाद खतिवडा र शारदाप्रसाद घिमिरेको संयुक्त इजलासले यस्तो आदेश गरेको हो ।

612
कारोबार संवाददाता
आइतवार, पुष ३०, २०७४

निर्वाचन आयोगले राष्ट्रियसभा निर्वाचनका लागि ७ वटै प्रदेशमा निर्वाचन अधिकृतको कार्यालय स्थापना गरेको छ । निर्वाचन कार्यतालिका अनुसार आयोगले शनिबार सातवटै प्रदेशमा निर्वाचन अधिकृतको कार्यालय स्थापना गरेको आयोगका प्रवक्ता नवराज ढकालले बताए ।

447
कारोबार संवाददाता
शुक्रवार, पुष २८, २०७४

२०६२-०६३ सालको राजनीतिक परिवर्तनपछि पहिलो पटक राष्ट्रिय एकता दिवस मनाइएको छ । त्यसअघि नेपाल एकीकरण गर्ने पृथ्वीनारायण शाहको जन्मदिनलाई राष्ट्रिय एकता दिवसका रूपमा मनाइँदै आए पनि गणतन्त्र आएपछि मनाउन छाडिएको थियो ।

500
कारोबार संवाददाता
बिहिवार, पुष २७, २०७४

राष्ट्रियसभा निर्वाचन, प्रदेश सरकार र संसदको जिम्मेवारीबारे गृहकार्य गर्न गठित संयुक्त कार्यदललाई नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहालले काम गर्न निर्देशन दिएका छन् । बुधबार बिहान ओली निवास बालकोटमा कार्यदलका सदस्यहरूसमेत उपस्थित बैठकमा दुई नेताले प्रदेशसभा र राष्ट्रिय सभा गठनका विषयमा निर्देशन दिएका हुन् । ओली र दाहालले प्रदेशसभा गठन र राष्ट्रिय सभा निर्वाचनका लागि प्रदेशसभा र स्थानीय तहमा दुवै दलले प्राप्त गरेको मतलाई आधार

558