कारोबार संवाददाता
बुधवार, पुष २६, २०७४

नेपाल धितोपत्र बोर्डले नक्कली सेयर कारोबार गर्ने गोविन्द घिमिरेविरुद्ध काठमाडौं जिल्ला अदालतमा मुद्दा दायर गरेको छ । घिमिरेले केही समय अघि चिलिमे जलविद्युत् कम्पनी, नेसनल हाइड्रोपावर कम्पनी तथा सानिमा माई हाइड्रोपावर कम्पनीको नक्कली शेयर कारोबार गरेको आरोपमा मुद्दा चलाइएको हो ।

810
कारोबार संवाददाता
आइतवार, पुष २३, २०७४

लगातार ओरालो लागेको सेयर बजार गएको साता ३३ अंकले उकालो लागेको छ । समूहगत रूपमा हेर्दा व्यापार समूह केही ओरालो लागेको छ । व्यापारबाहेक सबै समूह उकालो लागेका छन् । गएको साता सेयर बजार केही बढेको भए पनि आउँदो साता पनि सेयर बजार उकालो लाग्न सक्ने सम्भावना देखिँदैन ।

1507
कारोबार संवाददाता
बिहिवार, पुष २०, २०७४

नेपाल स्टक एक्सचेन्ज(नेप्से) परिसूचक बढ्ने क्रम बुधबार रोकिएको छ । सोमबार र मंगलबार निरन्तर बढेको नेप्से परिसूचक बुधबार घटेको हो । बुधबार नेप्से परिसूचकसँगै कारोबार रकममा पनि कमी आएको छ । घट्दो बजारमा कारोबार रकमसमेत कमी आउनु भनेको तत्काल सेयर बिक्री गर्ने लगानीकर्ता कम छन् भन्ने बुझिन्छ । विगतका केही दिनको बढाइका कारण लगानीकर्ताले आगामी दिनमा बढ्न सक्ने भएकाले बिक्री गर्न नखोजेको हुनसक्छ ।

788
कारोबार संवाददाता
बुधवार, पुष १९, २०७४

निरन्तर घट्दो क्रममा रहेको सेयर बजार मंगलबार पनि बढेको छ । सोमबार ४४ अंकले बढेको धितोपत्र बजार सूचक मंगलबार पनि सामान्य अंकले बढेको हो । बैंकहरूले तत्काल ऋणको ब्याजदर नघटाउने भद्र सहमति सेयर लगानीकर्तासँग गरेपछि सेयर बजार सुधारको गतिमा देखिएको हो ।

609
कारोबार संवाददाता
मंगलबार, पुष १८, २०७४

निरन्तर घट्दो क्रममा रहेको सेयर बजार सोमबार उच्च अंकले बढेको छ । सोमबार कारोबार सुरु भएदेखि बन्द हुँदासम्म निरन्तर बढेको धितोपत्र बजार सूचक ४४ अंकले बढेको हो । पछिल्लो समयमा निरन्तर घटेर १४ सयभन्दा तल आएको नेपाल स्टक एक्सचेन्ज(नेप्से) परिसूचक सोमबार पुनः १४ सयभन्दा माथि चढेको हो ।

520
कारोबार संवाददाता
आइतवार, पुष १६, २०७४

लगातार ओरालो लागेको सेयर बजार गएको साता ५२ अंकले ओरालो लागेको छ । समूहगत रूपमा हेर्दा बिमा समूह सबैभन्दा धेरै २८० अंकले ओरालो लागेको छ । व्यापारबाहेक कुनै पनि समूह उकालो लागेका छैनन् । आउँदो साता पनि सेयर बजार उकालो लाग्न सक्ने सम्भावना देखिँदैन, तर सरकार गठन भएको खण्डमा लगानीकर्ता उत्साही भई खरिदमा चाप पर्न सक्छ । आउँदो साता सेयर बजारमा तरलताको प्र्रत्यक्ष असर देखिन सक्ने सम्भावना छ । अहिले नै वाणिज्य बैंकहरुले ब्याजदर बढाउन लागिसकेकाले यसको पहिलो असर यही देखिन्छ । साथै राजनीतिक र अन्य कारणले पनि बजार ओरालो लाग्न सक्ने देखिन्छ ।

472
कारोबार संवाददाता
बिहिवार, पुष १३, २०७४

सेयर बजार घट्ने क्रमले बुधबार पनि निरन्तरता पाएको छ । पछिल्लो समयमा निरन्तर घटेको सेयर बजार परिसूचक बुधबार पनि साढे २१ अंकले घटेको हो ।

587
कारोबार संवाददाता
बुधवार, पुष १२, २०७४

सेयर बजार घट्ने क्रमले मंगलबार पनि निरन्तरता पाएको छ । पछिल्लो समयमा निरन्तर घटेको सेयर बजार परिसूचक मंगलबार पनि २० अंकले घटेको हो । सोमबार सार्वजनिक बिदाका कारण सेयर कारोबार भएन । पछिल्लो समयमा बैंक वित्तीय संस्थाको ब्याजदर बढेपछि सेयर बजार घट्न थालेको हो । बैंक वित्तीय संस्थामा लगानी योग्य पुँजीको सीमितताका कारण ब्याजदर बढेर निक्षेप लिने क्रम बढेको छ । सेयर बजारमा धितोपत्रको आपूर्ति धेरै भएको अवस्था बजारबाट पैसा झिकेर बैंक वित्तीय संस्थामा निक्षेप राख्न थालेपछि सेयर बजार घटेको हो ।

614
कारोबार संवाददाता
आइतवार, पुष ९, २०७४

प्रिमियर इन्स्योरेन्स कम्पनीले पुस १६ गतेदेखि ६ लाख ५९ हजार ५ सय ६५ कित्ता सेयर प्रिमियममा नयाँ निष्कासन गर्ने भएको छ । कम्पनीको प्रिमियमसहित एक कित्ता सेयर खरिदका लागि ७ सय ९९ रुपैयाँ बुझाउनुपर्नेछ ।

1437
कारोबार संवाददाता
आइतवार, पुष ९, २०७४

गैरआवासीय नेपाली संघ (एनआरएनए)ले सेयर लगानी गर्ने भएको छ । सेयर बजारमा १० अर्ब रुपैयाँ लगानी गर्ने एनआरएनएको योजना छ । एनआरएनएले सेयर बजारमा संस्थागत रूपमा लगानी गर्न चाहेको नेपाल धितोपत्र बोर्डले जनाएको छ । गैरआवासीय नेपाली संघका नवनिर्वाचित पदाधिकारीहरू र बोर्डका अध्यक्ष डा. रेवतबहादुर कार्की तथा अन्य उच्च पदाधिकारीहरूबीच धितोपत्र बजारमा लगानी गर्ने सम्बन्धमा भएको छलफलमा एनआएनएले सेयर बजारमा लगानी गर्न चाहेको बताएको बोर्डले जनाएको छ ।

584
कारोबार संवाददाता
आइतवार, पुष ९, २०७४

यस साता नेपाल स्टक एक्सचेन्जमा १ सय ७७ कम्पनीहरुको कारोबार भएको छ । जसअनुसार २४ हजार ६ सय ५५ कारोबारबाट दुई अर्ब ५७ करोड ९१ लाख १८ हजार रुपैयाँ बराबरका ५७ लाख ११ हजार ८० कित्ता सेयरहरु खरिद बिक्री भएका छन् । कारोबार रकम गत साताको भन्दा ११.९२ प्रतिशत कम हो ।

496
कारोबार संवाददाता
शुक्रवार, पुष ७, २०७४

गैरआवासीय नेपाली संघका नवनिर्वाचित पदाधिकारीहरुले धितोपत्र बोर्डसंग आफूहरुले संस्थागत लगानी गर्न पाउने बाटो खोलिदिन आग्रह गरेका छन् । संघका अध्यक्ष भवन भट्टको नेतृत्वमा गएको टोलीले धितोपत्र बोर्डका अध्यक्ष डा. रेवतबहादुर कार्की सहितका पदाधिकारीलाई भेटेर यस्तो आग्रह गरेका हुन् ।

934
कारोबार संवाददाता
मंगलबार, पुष ४, २०७४

मंसिरको अन्तिम साता आन्तरिक राजस्व कार्यालय त्रिपुरेश्वरले तीन वटा कम्पनीलाई १५ दिनभित्र भ्याट तिर्न पत्र पठाएपछि फेरि बजारमा अन्योल छाएको छ । अघिल्लो साता फेरि भ्याटको भूतले सेयर बजारमा निरासा ल्याएको छ । सेयर बजार लगातार घटेर १५०८ को हारारहारीमा आइसकेको छ ।

929
कारोबार संवाददाता
मंगलबार, पुष ४, २०७४

धितोपत्र बजारमा विवादको विषय बनेको भ्याटको समस्या समाधानका लागि बजेट नै कुर्नुपर्ने भएको छ । धितोपत्र बजारको भ्याट विवाद समाधानका लागि नीतिगत निर्णय हुनुपर्ने भएकाले बजेट नै पर्खनुपर्ने भएको हो ।

1237
कारोबार संवाददाता
मंगलबार, पुष ४, २०७४

आन्तरिक राजस्व निर्देशिकामा धितोपत्र खरिद बिक्री सेवालाई वित्तीय सेवाका रूपमा परिभाषित गरेको छ । निर्देशिकाअनुसार धितोपत्र खरिद बिक्रीमा भ्याट नलाग्नुपर्ने हो । आजसम्म कोही ग्राहकसँग हामीले भ्याट उठाएको छैन । उठाउँदै नउठाएका कारण हामीले कसरी भ्याट दिने ? मान्छेले गलत बुझिरहेका छन् । भ्याट भनेको कमिसनमा लाग्ने हो । ब्रोकरलाई जुन ४० देखि ६० पैसा कमिसन आउँछ, त्यो कमिसनमा ब्रोकरले तिर्नुपर्ने । ब्रोकरले अहिले पनि लागेको जति कमिसन लिएकोबाट १५ प्रतिशत टिडिएस तिरिरहेको छ ।

815