जनताको नजिकको सरकार भनेर स्थानीय सरकारलाई सबैले बुझेकै छन् । तर, यही सरकारको एक वर्ष चानचुन अवधिको गतिविधिप्रति भने संघीय संसदको प्रतिनिधि सभाका सांसदले असन्तुष्टि व्यक्त गरेका छन् ।
लप्ची गाउँ भन्ने वित्तिकै सबैलाई सझना आउँदा अति दुर्गम गाउँ । त्यहाँ पुग्न न त गोरेटो बाटो समेत सहज पहुँच छ नत अकरु पूर्वाधार नै । विगू गाउँपालिका वडा नं. १ लप्चीका त्यही गाउँमा अहिले हरेक घरघरमा सोलारबाट झिलिमिली भएका छन् ।
प्रदेश नं. २ का प्रदेश प्रमुख रत्नेश्वरलाल कायस्थले मुलुकमा स्थानीय, प्रदेश र संघको समन्वयात्मक भूमिका नभए विकासका सम्भावनामा समस्या हुने बताएका छन् ।
सप्तरीबाट विगत ६ वर्षको अवधिमा ९९ हजार १३६ जनाले राहदानी बनाएकोमा ७७ हजार ५०४ जना वैदेशिक रोजगारका लागि विभिन्न मुलुक गएका छन् । त्यसमध्ये हालसम्म १३३ जनाले रोजगारीकै क्रममा विदेशमै ज्यान गुमाएको एक तथ्यांकले जनाएको छ ।
मोरङका पत्रकारहरूले स्थापना गरेको सहकारीले तीनजना पत्रकारलाई पुरस्कृत गरेको छ । सञ्चारकर्मी सञ्चार सहकारी संस्था लिमिटेड विराटनगरको सातौं स्थापना दिवसका अवसरमा तीन जना सक्रिय पत्रकारलाई पुरस्कृत गरेको छ ।
डडेल्धुरामा तरकारी उत्पादनमा कमी आएको छ । पर्याप्त सिँचाइको सुविधा नभएपछि तरकारीको उत्पादनमा कमी आएको हो ।
अर्घाखाँची जिल्लाको सदरमुकाम सन्धिखर्कका तीन ठाउँमा नगरपालिकाले निःशुल्क वाईफाईको सुविधा उपलब्ध गराएको छ । सन्धिखर्कका ३ स्थान बसपार्क, भक्तिटोला र शान्ति बगैचामा ‘फ्रि वाईफाई’ को व्यवस्था गरिएको नगरपालिकाले जानकारी दिएको छ ।
नेपाल विश्वको १ सय १ औं सैन्य क्षमता भएको देशमा परेको छ । गत वर्ष ९७ औं ठूलो सैन्य शक्ति भएको देशमा परेकोमा यस पटक नेपालको स्थान ४ तह तल झरेर १ सय १ औं स्थानमा पुगेको छ ।
अविरल वर्षापछि पहिरोमा पुरिएर भक्तपुरका एकै परिवारका ३ जनाको ज्यान गएको छ । मृत्यु हुनेमा भक्तपुरको चाँगुनारायण नगरपालिका–७ मझुवाका एकै परिवारका ७० वर्षीय हिरा लामा, ६५ वर्षीय पानमाया लामा र २ वर्षीया वालिका सम्पदा लामा छन् ।
बिरामीले प्रयोग गर्ने अक्सिजन ग्यास उत्पादन तथा विक्रीवितरणमा सिन्डिकेट खडा गर्दै व्यापारीले प्रतिसिलिन्डर १ सय २५ प्रतिशतसम्म मूल्य बढाएका छन् । मुलुकका विभिन्न १० वटा अक्सिजन ग्यास उत्पादक कम्पनीले साउन १ गते देखि लागू हुनेगरी साविकको २ सय रुपैयाँ मूल्यमा पाइने अक्सिजन ग्यास सिलिन्डरको मूल्य बढाएर ४ सय ५० रुपैयाँ बनाएका हुन् ।
स्थानीय सरकारलाई आत्मनिर्भर बनाउन कर प्रणालीबारे प्रशिक्षित गर्न थालिएको छ । सरकारले सबै स्थानीय तहलाई एकीकृत सम्पत्ति कर लगाउन योग्य बनाउन उद्देश्यले स्थानीय तहलाई त्यसबारे प्रशिक्षण दिन थालेको हो ।
वैदेशिक रोजगारी मात्र आम्दानीको राम्रो स्रोत हो भन्नेहरुलाई चुनौति दिँदै झापा अर्जुनधारा–९ का दिनानाथ शिवाकोटी अचार उत्पादनबाटै मनग्य आम्दानी गर्न सफल भएका छन् ।
१२ दिनदेखि जुम्लामा अनशनरत डा. गोविन्द केसीको स्वास्थ्य अवस्था गम्भीर बन्दै गएको छ । निमोनिया, मस्तिष्क घात, हृदयाघात र हृदयको गति बन्द हुने चार खतरा डा. केसीलाई रहेको उपचारमा संग्लन डा. प्रविणकुमार गिरीले बताए । रगतमा म्याग्नेसियमको मात्रा पूरै घटिसकेको छ शरीरका विभिन्न कोषहरू सुक्खा भइसकेका छन् ।
सार्वजनिक धारामा पानि थाप्न गएका बेला पानी छोएको निहुँमा कुटपिट गर्ने दुई जनालाई जिल्ला अदालत महोत्तरीले कैद सजाय सुनाएको छ ।
सरकारले काठमाडौं उपत्यकामा टिपर र मालवाहक ट्रकलाई दिनको ८ घण्टा सञ्चालनमा रोक लगाएको छ । सवारी दुर्घटना नियन्त्रण र अनियन्त्रित जाम व्यवस्थापन गर्न सरकारले बिहीबार (आज) देखि लागू हुने गरी १२ चक्का भन्दा माथिका मालवाहक ट्रक र टिपर बिहान ८ बजेदेखि १२ बजेसम्म र अपरान्ह ३ बजेदेखि बेलुका ८ बजेसम्म सञ्चालन गर्न नपाइने व्यवस्था ल्याएको हो ।
