कारोबार संवाददाता
शुक्रवार, फाल्गुन २४, २०७५

सोमबार परेको महाशिवरात्रिको पावन अवसरमा साँगास्थित विशाल कैलाशनाथ महादेवको दर्शनका लागि भक्तजनहरूको भीड लागेको थियो । अघिल्लो वर्षको तुलनामा यस वर्षको शिवरात्रिमा दर्शनका लागि दोब्बर भक्तजनहरू आएको हिलटेक कैलाशनाथका अध्यक्ष कमल जैनले बताए ।

329
कारोबार संवाददाता
बिहिवार, फाल्गुन २३, २०७५

पोखराको पर्यटकीय एवं धार्मिक तीर्थस्थल विन्ध्यवासिनी मन्दिरमा लिफ्ट सेवा सञ्चालन भएको छ । नेपालकै प्रतिष्ठित घराना लक्ष्मी ग्रुप र हुण्डाई कम्पनीले करिब एक करोड लागतमा उक्त लिफ्ट सेवा सञ्चालनमा ल्याएको विन्ध्यवासिनी धार्मिक क्षेत्र विकास समितिका अध्यक्ष एवं लक्ष्मी ग्रुपका अध्यक्ष उद्योगपति गणेशबहादुर श्रेष्ठले बताए ।

741
कारोबार संवाददाता
बुधवार, फाल्गुन २२, २०७५

व्यवसायीहरूले स्थानिय तहलाई कर तिर्न सहमति गरेपछि पोखरामा बुधबारदेखि निर्वात रूपमा प्याराग्लाइडिङ सञ्चालन हुने भएको छ । महानगरपालिकाले कर नतिर्ने कम्पनीलाई बुधबारदेखि प्याराग्लाइडिङ गर्न नदिने चेतावनी दिएको केही घण्टामै व्यवसायीहरू महानगरसँग वार्ता बसी कर तिर्न सहमति जनाएसँगै बुधबारदेखि पोखरामा निर्वात ढंगबाट प्याराग्लाइडिङ उडान हुने भएको हो ।

709
रासस
मंगलबार, फाल्गुन २१, २०७५

जिल्लाको पहाडी क्षेत्रका उच्च पहाडी स्थानबाट उत्तरतिरको मनोरम हिमाली शृङ्खला र दक्षिणतिरको समथर तराईका मैदान देख्न सकिने र आन्तरिक पर्यटन प्रवद्र्धन गर्न सकिने भएपछि अहिले अधिकांश स्थानीय तहहरू भ्यूटावर निर्माण कार्यमा लागेका छन् । उदयपुर गढी गाँउपालिकाको उदयपुर गढीमा दुई वर्ष अघिदेखिनै भ्यूटावर निर्माण कार्य सुरु भएर अहिले सम्पन्न हुने अवस्थामा पुगेको गाउँपालिकाका अध्यक्ष मानबहादुर केपीछाके मगरले बताउनुभयो । पर्यटन मन्त्रालयको आर्थिक सहयोग र गाउँपालिकाको समेत आर्थिक लगानीमा झण्डै ४४ फिट अग्लो भ्यूटावर निर्माण सम्पन्न हुने अवस्थामा पुगेको उहाँले जानकारी दिए ।

437
दीननाथ बराल
मंगलबार, फाल्गुन २१, २०७५

पोखरामा अवैधरूपमा प्याराग्लाइडिङ हुँदा दुर्घटनाको जोखिम बढ्दै गएको छ । पोखराका सिमित ठाउँमा प्याराग्लाइडिङ उडान र अवतरणको अनुमति दिइए पनि अवैधरूपले केही विदेशी सिकारु (सोलो) पाइलटले उडान भर्दा र अवतरण गराउँदा आकासमा प्याराग्लाइडिङको जोखिम बढेको व्यवसायी तथा प्याराग्लाइडिङ पाइलटहरूले गुनासो गरेका छन् ।

560
कारोबार संवाददाता
सोमवार, फाल्गुन २०, २०७५

राजधानीबाट सबैभन्दा नजिक रहेको जुगल हिमाल पहिलोपटक आरोहण हुने भएको छ । सगरमाथा आरोही माया गुरुङको नेतृत्वमा भर्जिन जुगलमा पहिलोपटक मानव पाइला पुग्ने भएको हो । हिमाल रहेको जुगल गाउँपालिका र प्रदेश नम्बर तीनको संयोजकत्वमा सिन्धु पर्यटन परिषद्ले गरेको पत्रकार सम्मेलनमा जुगल हिमाल पहिलो पटक आरोहण हुन लागेको जानकारी दिइएको हो । चैत १५ गतेबाट टोली जुगलतर्फ लाग्नेछ । यो आरोहण अवधि कम्तिमा २० देखि ३० दिनसम्म हुन सक्ने सगरमाथा आरोही माया गुरुङले जानकारी दिइन् ।

290
कारोबार संवाददाता
सोमवार, फाल्गुन २०, २०७५

पश्चिमतिर टल्किएका हिमाललाई थप सौन्दर्य भरिरहेका छन्–सेतो गुम्बा, रातो लालीगुराँस अनि पहेंलो बुद्धमुर्ती । समुद्री सतहबाट २२५० मिटरको उचाइमा रहेको अद्भूत सौन्दर्य स्थल ओखरेनीलाई भूकम्पपछिको पुनर्निर्माणले बनेको बस्तीले थप सुन्दर तुल्याएको छ । पाँचपोखरी थाङपाल गाउँपालिका लाँगर्चेमा पर्ने ओखरेनी डाँडा साविक तीन गाविस(भोटेनाम्लाङ, लाँगर्चे, सिम्पालकाभ्रे)को संगमस्थल हो । यो गाउँले हालको अहिले दुई गाउँपालिकाको सीमा निर्धारण गर्छ । नौलिङ्गेश्वर र ३५ फिट अग्लो बुद्ध मूर्तिका साथै यहाँ बहने चिसोसिरेटो र यहाँबाट देखिने सुन्दर दृश्य यहाँका विशेषता हुन् ।

470
प्रगति ढकाल
सोमवार, फाल्गुन २०, २०७५

प्राकृतिक सौन्दर्य नेपालले पाएको एउटा बरदान हो, जसले नेपाललाई विश्वमाझ चिनाएको छ । विश्वका कुनाकाप्चाबाट पर्यटक आउँछन् यिनै प्राकृतिक दृश्य हेर्न । प्रकृतिले दिएको मनोरम दृश्यलाई अवलोकन गरेर पर्यटकहरू आनन्द लिने गर्छन् । नेपाल भ्रमणमा आउने पर्यटकमध्ये ६० प्रतिशतभन्दा बढी यहाँको प्रकृतिले दिएको सौन्दर्यको अवलोकन गर्न आउँछन् । तीमध्ये पनि अधिकांश पर्यटक हाम्रा राष्ट्रिय निकुञ्ज तथा संरक्षित क्षेत्रहरूमा जान्छन् ।

375
उत्तम चौलागार्इं
सोमवार, फाल्गुन २०, २०७५

दिप्रुङ चुइचुम्मा गाउँपालिका–६ छितापोखरीमा रहेको धिप्लुङ झरना १७६ मिटर अग्लो छ । बाह्रै महिना एकनासले स्वच्छ र सफा पानी झर्ने धिप्लुङ झरना जिल्लाकै अग्लो झरना हो । पर्यटकीय क्षेत्रको अथाह सम्भावना बोकेको धिप्लुङ झरनाको दृश्यले जो कोहीको मन लोभ्याउँछ । झरना पुग्ने आन्तरिक तथा बाह्य पर्यटक झरनाको आवाज सुन्दै सोही झरनामा खेल्न, स्नान गर्न र सेल्फी खिच्न तम्सिन्छन् ।

242
हरिश चन्द
आइतवार, फाल्गुन १९, २०७५

डडेल्धुराको आलितालमा डुंगा सञ्चालनमा आएसँगै आन्तरिक पर्यटकको संख्यामा वृद्धि भएको छ । सुदूपश्चिम प्रदेशको पहाडी जिल्लाको सबैभन्दा ठूलो ताल आलितालमा पहिलो पटक डुंगा सञ्चालनमा आएको हो । आलिताल गाउँपालिकाको गोदाम बजारबाट तीन किलोमिटर माथि आलिताल गाउँपालिका–३ स्थित आलितालमा पहिलो पटक डुंगा सञ्चालनमा आएपछि त्यहाँ पर्यटक आगमनमा वृद्धि भएको छ । पर्यटकको पर्खाइमा रहेको तालमा डुंगा सञ्चालन गरिएसँगै आन्तरिक पर्यटकको संख्यामा वृद्धि भएको स्थानीयवासी भक्त गाहामगरले बताए ।

400
कारोबार संवाददाता
शुक्रवार, फाल्गुन १७, २०७५

उपप्रधान एवं रक्षामन्त्री ईश्वर पोखरेलले आगामी दिनमा हवाई दुर्घटना हुन नदिन सरकारले विशेष सावधानी अपनाउन ध्यान दिने बताएका छन् । त्रिभुवन अन्तर्राष्ट्रिय विमानस्थलमा बिहीबार सञ्चारकर्मीसँग संक्षिप्त कुरा गर्दै मन्त्री पोखरेलले ताप्लेजुङमा भएको दुर्घटनाको कारण खोजिने र यसैका लागि सरकारले उच्चस्तरीय जाँचबुझ आयोज गठन गरेको बताए ।

374
कारोबार संवाददाता
बिहिवार, फाल्गुन १६, २०७५

जुगल हिमाल आरोहण हुने भएपछि थप पर्यटन प्रवद्र्धनका लागि वृत्तचित्र निर्माण गरिने भएको छ । सामाजिक संस्थाजुगल जलवीरे डट कमले पर्यटन वर्ष सन् २०२० लाई लक्षित गरी जुगल हिमाल पुग्ने पथ चिनाउन वृत्तचित्र निर्माण गर्न लागिएको हो । वृत्तचित्रमा विशेषगरी सिन्धुपाल्चोक काभ्रे सीमागाउँ बन्देउदेखि जुगल हिमालको बेसक्याम्पसम्मका स्थान समेटिनेछ । हालसम्म मानवपाइला नपुगेको ६१५० मिटरको जुगलसम्म पुग्ने आकर्षक पर्यटकीय स्थलको प्रचारका लागि बृत्तचित्र निर्माण हुन लागेको हो ।

326
मनोरञ्जन शर्मा
बिहिवार, फाल्गुन १६, २०७५

पर्यटनमन्त्री रवीन्द्र अधिकारीको बुधबार हेलिकोप्टर दुर्घटनामा भएसँगै निर्माणाधीन गौतमबुद्ध अन्तर्राष्ट्रिय विमानस्थलले एक अभिभावक गुमाएको महसुस भएको छ ।

621
कारोबार संवाददाता
बिहिवार, फाल्गुन १६, २०७५

अन्नपूर्ण पदमार्गअन्तर्गत उत्तरी लमजुङका पर्यटन व्यवसायी लघुजलविद्युत्कै भरमा व्यवसाय धान्न बाध्य छन् । जिल्लाको मस्र्याङ्दी गाउँपालिका अन्तर्गत ताघ्रिङका पर्यटन व्यवसायी लघुजलविद्युत्कै भरमा व्यवसाय धान्दै आएका हुन् ।

216
कारोबार संवाददाता
बिहिवार, फाल्गुन १६, २०७५

गैरआवासीय नेपाली संघ (एनआरएनए) का अध्यक्ष भवन भट्टले तत्काल पर्यटन प्रवद्र्धन गरेर देशले सोचेको आर्थिक समृद्धि हासिल गर्न सकिने बताएका छन् । नेपाल पर्यटन बोर्ड र गैरआवासीय नेपाली संघ (एनआरएनए) ले आयोजना गरेको नेपाल पर्यटन प्रवद्र्धन कार्यक्रममा एनआरएनए अध्यक्ष भट्टले नेपाललाई संसारभर चिनाएर विदेशीलाई नेपाल भ्रमण गर्ने गरी योजना बनाउन विभिन्न योजना बनाउन सकिने बताए । उनले नेपाल पर्यटन प्रवद्र्धन वर्ष २०१९ लाई पर्यटन प्रवद्र्धनका रूपमा प्रचार प्रसार गरेर सन् २०२० लाई नेपाल भ्रमण वर्ष मनाउने आधार तयार गर्नुपर्ने सुझाव दिए ।

296