एनआईसी एसियाको ‘धनवर्षा मुद्दती खाता’ फेरि सुरु
कारोबार संवाददाता
शुक्रवार, फाल्गुन २५, २०७४
435

‘बैंक पनि, साथी पनि’ भन्ने मूल नाराका साथ बैंकिङ सेवा प्रदान गर्दै आइरहेको एनआईसी एसिया बैंकले ‘धनवर्षा मुद्दती खाता’ फेरि सुरु गरेको छ । ग्राहकको सर्वोपरी हितलाई ध्यानमा राख्दै निक्षेपकर्ताहरूमाझ अत्यन्त लोकप्रिय रहेको १ वर्ष अवधिकोे उक्त मुद्दती खातामा वार्षिक १२ प्रतिशतका दरले मासिक रूपमा ब्याज भुक्तानी गरिनेछ । मुलुकभरका विभिन्न स्थानहरूमा छरिएर रहेको १ सय ८० शाखा सञ्जालमध्ये जुनसुकै शाखाबाट उक्त मुद्दती खाता खोल्न सकिने र मुद्दती रसिदको धितोमा मौज्दातको ९० प्रतिशतसम्म कर्जासमेत उपलब्ध गराउन सकिनेछ ।
त्यसैगरी, यसअघि बैंकले सञ्चालनमा ल्याएको सर्वाधिक उच्च ब्याजदर सहितको ‘समुन्नति प्लस बचत खाता’ ग्राहक महानुभावहरू माझ अत्यन्त लोकप्रिय रही उत्साहप्रद रूपमा सञ्चालनमा रहिरहेको छ । ‘समुन्नति प्लस बचत खाता’ मा बैंकले त्रैमासिक ब्याज भुक्तानी हुने गरी वार्षिक १० प्रतिशतका दरले ब्याज प्रदान गर्दै आइरहेको छ ।
मुलुकभर १ सय ८० शाखा कार्यालय, १ सय ८३ एटीएम सञ्जाल, ४ एक्स्टेन्सन काउन्टर, ३ शाखारहित बैंकिङ सेवाहरू एवं प्रत्यक्ष एवं अप्रत्यक्षसमेत गरी ५ हजारभन्दा बढी रेमिट्यान्स पेआउट एजेन्टहरूसहित राष्ट्रकै सर्वाधिक बढी बैंकिङ सञ्जाल भएको बैंकका रूपमा एनआईसी एसिया बैंक स्थापित भइसकेको छ ।