झिँ–पाखापानी सडक विस्तार तीब्र
कारोबार संवाददाता
मंगलबार, फाल्गुन २९, २०७४
228

झिँ–पाखापानी सडक विस्तार तीब्र झिँ–पाखापानी सडक विस्तार तीब्र सन्तोष गौतमम्याग्दी, २८ फागुन
म्याग्दीको रघुगंगा गाउँपालिकाको झि–पाखापानी सडकलाई दुइ लेनको बनाइने भएको छ छ । रघुगंगा गाउँपालिकाले बेनपा १० पात्लेखेतको सिमानादेखि वडा न. ५ झिँ हुदै ६ नम्बर वडा पाखापानी जोड्ने सडकलाई १० मिटर फराकिलो बनाउन आयोजना सञ्चालन गरेको हो । झिँ र पाखापानी खण्डमा दुईवटा प्याकेजमा छुट्टा छुट्टै आयोजना मार्फत सडक विस्तारको काम भैरहेको रघुगंगा गाउँपालिकाका अध्यक्ष भवबहादुर भण्डारीले बताए । हाल यो सडक तीनदेखि साढेतीन मिटर फराकिलो छ । झि खण्डको पाँच किलोमिटर सडक स्तरोन्नतीका लागि गाउँपालिकाले ३१ लाख ८५ हजार रुपैयाँ विनियोजन गरिएको छ । ३५ लाख ४० हजार कुल लागत अनुमान गरिएको आयोजनाको बिस प्रतिशत तिन लाख ५५ हजार ४ सय रुपैयाँ बराबरको काम उपभोक्ताले श्रमदानमार्फत गरिरहेका छन् । पहिलो चरणमा डोजर प्रयोग गरेर फराकिलो र नाली बनाइएको सडकमा उपभोक्ताले श्रमदान गरेर सोलीङ, कजवे, ग्यावियन र रिटेनीङ वाल लगाउने काम गरिरहेका उपभोक्ता समितिका अध्यक्ष गोविन्द पाईजाले बताए । झिँ गाउँभन्दा तल एक किलोमिटर भन्दा बढी नयाँ ट्याक खोलिएको छ । सडक विस्तार गर्दा बस्तीलाई असर पर्ने भएपछि गाउँ तलबाट नयाँ ट्र्याक खोलिएको अध्यक्ष पाइजाले बताए । उनका अनुसार साविकका वडाका प्रत्येक घरधुरीलाई एक, एक दिनका लागि श्रमदानमा सहभागी बनाइएको छ । पाखापानी खण्डको सडक विस्तारको काम पनी तिब्र रुपमा भइरहेको छ । झिँको सिमाना फुलडाँडादेखि झिगरुक, हुनचेन, पाखापानी, कमनाथ हुदै ठोकलाखोला सम्मको चार किलोमिटर १७५ मिटर सडक पहिलो चरणमा डोजर लगाएर फराकीलो बनाइएको छ । कुनातर्फ कच्ची नाली बनाइएको छ ।योजनाका लागि गाउँपालिकाले चालीस लाख बिनियोजन गरेको वडा अध्यक्ष मनकुमार शेरपुञ्जाले बताए । श्रमश्रमदान र मजदुर परिचालन गरेर ग्याबियन पर्खाल, कजवे, पक्कि नाली, रिटेनीङ वालको काम गरिने वडा अध्यक्ष शेरपुञ्जाले बताए । ठोकलाखोलादेखि ठाडाखानी जोड्ने सडक मर्मत, ट्र्याक खन्ने र घुम्ती सुधारका लागि गाउँपालिकाले थप एघार लाख बिनियोजन गरेको छ । रघुगंगा गाउँपालिकाले आफ्नो क्षेत्रको सडक फराकीलो बनाएपछि बेनपाले पनी पात्लेखेत क्षेत्रमा सडक विस्तारको तयारी गरेको छ । बेनपा ९ तोरीपानीको अलवाङ सम्मको सडक ड्रिलीप आयोजना मार्फत स्तरोन्नती गरिएको थियो । वि.स २०६६ मा पाखापानीमा पुगेको सडक तिन देखि साढे तिन मिटर फराकीलो थियो । सडक फराकीलो र स्तरोन्नती भएपछि हाल दुई देखि तिन घण्टाको यात्राअवधि डेढ घण्टामा छोटिने, यात्रा सहज हुने र सवारी तथा ढुवानी भाडादर घट्ने अपेक्षा गरिएको छ ।