चिनिया“ प्रतिबन्धले ६.८ अर्ब डलरको क्षति
एजेन्सी
मंगलबार, मंसिर १९, २०७४
41

दक्षिण कोरियाविरुद्ध चीनले गरेको बदलाको कारबाहीका कारण दक्षिण कोरियाको पर्यटन उद्योगमा ६.८ अर्ब डलर अर्थात् ७.५ ट्रिलियनको क्षति भएको तथ्यांकले देखाएको छ । नेसनल एसेम्बलीको बजेट अफिसले संकलन गरेको तथ्यांकअनुसार दक्षिण कोरियाको पर्यटन र होटल उद्योगको आम्दानी जनवरीदेखि सेप्टेम्बरसम्मको अवधिमा तीव्र ओरालो लागेको छ । चिनियाँ पर्यटकको आगमनमा कमी आएसँगै आम्दानी पनि ओरालो लागेको हो । अमेरिकी टर्मिनल हाई अल्टिच्युड एरिया डिफेन्स (थाड) क्षेप्यास्त्र प्रणाली आफ्नो भूमिमा तैनाथ गर्ने दक्षिण कोरियाली निर्णयका विरुद्धमा बेइजिङमा विभिन्न आर्थिक बदलाको कारबाही गरेको थियो । दुवै मुलुकले द्विपक्षीय सम्बन्धलाई सामान्यीकरण गर्ने विषयमा सहमति जनाएपछि हालैको अवस्थामा भने तनाव कम भएको छ ।दक्षिण कोरिया भ्रमण गर्ने चिनियाँ पर्यटकको संख्या र उनीहरूले गर्ने औसत खर्चका आधारमा यो निष्कर्ष निकालिएको हो । यो वर्षको सुरु नौ महिनाको अवधिमा चिनियाँ पर्यटकको संख्यामा ३२ लाख ९० हजारले कमी आएको थियो ।
खुद्रा बिक्रीको उद्योगमा ४.९ ट्रिलियन वनको क्षति भएको छ भने दोस्रो बढी क्षति बेहार्नेमा होटल उद्योग परेको छ । यो यद्योगले १.१ ट्रिलियन वनको क्षति बेहोरेको छ ।यद्यपि एसियाली मुलुकबाट आएका पर्यटकका कारण भने क्षति कम भएको कार्यालयले जनाएको छ ।